2025 жылдың 17 наурызы мен 2 сәуір аралығында Астана қаласы әкімдігінің «Әдістемелік орталығы» МКҚК білім беру саласындағы ынтымақтастық және зерттеу бөлімінің ұйымдастыруымен «Цифрлық педагогика: қазіргі білім берудегі инновациялық әдістер» атты қашықтан оқыту курсы сәтті өткізілді. Курс аясында қатысушылар білім беру процесінде цифрлық технологияларды пайдаланудың заманауи тәсілдерін меңгерді.
Курс аяқталғаннан кейін тыңдаушылармен онлайн-кездесу ұйымдастырылып, 5 курс тыңдаушыларынан тұратын фокус-топ құрылды. Кездесу барысында қатысушылар оқу сапасы, тақырыптардың тиімділігі, оқыту форматының ыңғайлылығы және курсты жетілдіру мүмкіндіктері туралы бірқатар сұрақтарға жауап берді.
Тыңдаушылар онлайн-форматтың ыңғайлы екенін атап өтті, себебі олар жұмыстан кейін өздеріне қолайлы уақытта курсты өте алды. Басқа қалаларда тұратын қатысушылар үшін де қашықтықтан оқу тиімді болды. Ал орыс тілі мен әдебиеті пәнінің мұғалімі пәндік бағыттағы курстар қажет екенін жеткізді.
Жалпы, курс барлық қатысушыларға ұнады, олар ұйымдастырушылар мен тренерлер Қасенова А.Б. мен Тұрсынбеков А.Ж. кәсіби біліктілігі мен сапалы материалдар үшін алғыс білдірді. Сондай-ақ тыңдаушылар болашақта басқа курстарға қатысуға ниетті екенін білдіріп, олардың тақырыптары бойынша өз ұсыныстарын айтты.
Барлық қатысушыларға белсенділігі мен кері байланысы үшін алғыс білдіреміз! Біз педагогтерге арналған пайдалы білім беру бағдарламаларын әзірлеуді жалғастырамыз.
