Астана қаласы әкімдігінің №54 «Нұр-Ай» балабақшасында «Тілге бойлау» республикалық пилоттық жобасы аясында мектепке дейінгі білім беру мекемелерінде балаларға ертегілерді қолдану арқылы қазақ тілінде сөйлеу дағдыларын дамыту, олардың тілге деген қызығушылығын арттыру жолдарымен мектепке дейінгі білім беру ұйым педагогтерімен тәжірибе бөлісу мақсатында қалалық семинар өтті.
Семинар барысында педагогтер қазақ тілінің маңыздылығы мен оны балабақшада тиімді үйрету жолдары туралы тәжірибелерімен бөлісті. Сондай-ақ, ертегілер арқылы балалардың қазақ тілін еркін меңгеруіне бағытталған әртүрлі әдіс-тәсілдер мен ойындар ұсынылды.
Педагогтерді тіркеу барысында «Ертегі қоржыны» атты миға шабуыл өткізіліп, балабақша педагогтері «Сыр сандықтың құпиясы» атты сахналық қойылым қойды.
Іс-шара барысында «Балаларды тілге бойлауда қазақ ертегілерінің тәрбиелік мәні», «Бір атаның ұрпағы», «Дос іздеген Бота», «Қазақ музыкасының сиқырлы үні», «Путешествие Красной шапочки к бабушке» атты ұйымдастырылған іс-әрекеттер өткізілді. Қазақ тілі педагогі ата–аналарды қолдау, өзара қарым – қатынасты нығайту мақсатында «Мен өзімді қай кейіпкерге ұқсатамын? Неліктен?» атты тренинг, «Бала тілін ойын арқылы дамыту» атты шебер –сынып өткізді.
Сонымен қатар, серіктес балабақшалар «Ертегі кейіпкерлері арқылы балаларды қазақ тіліне бойлау», «Театрландырылған ойындар арқылы балаларды тілге бойлау» тақырыбында шебер-сынып жұмысын жүргізді.
Семинарға балабақша тәрбиешілері және қазақ тілі педагогтері қатысып, «Тілге бойлау» пилоттық жобасының тиімділігін арттыру бойынша пікір алмасты.
