2025 жылғы 17 сәуір күні Астана қаласы әкімдігінің «Әдістемелік орталығы» МКҚК жылдық жоспарына сәйкес №96 «Аяла» арнайы балабақшасында ерекше білім беруді қажет ететін балалармен жұмыс жасайтын мектепке дейінгі білім беру ұйымдарының арнайы мамандарына арналған «ЕББҚ бар балалармен түзету жұмыстарында сенсорлық интеграция әдістерін қолдану» тақырыбында семинар-практикум өтті.
Семинар барысында:
— ЕББҚ бар балалармен түзету жұмыстарында ата-аналармен жұмыс әдістерін қолдану;
— ерекше білім беру қажеттіліктері бар балалармен түзету жұмысында сенсорлық интеграция әдістерін тиімді пайдаланау;
— мінез-құлық бұзылыстары бар балаларды балабақшада сүйемелдеу;
-шығармашылық тапсырмалар арқылы балалардың сенсомоторлық дағдыларын дамыту;
— интеграцияланған ұйымдастырылған іс-әрекетінде асық ойындары арқылы танымдық қабілетін дамыту;
— музыкатерапия элементтерін қолдану арқылы балалардың шығармашылық дағдыларын дамыту;
— қолданбалы қолөнер тәсілдерімен балалардың ұсақ қол моторикасын жетілдіру;
— балалардың белсенділігін қимыл-қозғалысты ойындар арқылы дамыту;
— сюжетті-рөлдік ойындар арқылы балалардың сөйлеуін дамыту; атты
тақырыптарда ақпарат беріліп, ұйымдастырылған іс-әрекеттер көрсетіліп ЕББҚ бар балалармен жұмыс жасаудың тиімді әдіс-тәсілдерін пайдалана отырып, шебер сыныптар көрсетілді.
Семинарға қатысушылар кері байланыста болып, ашық диалог аясында еркін пікір алмасты. Іс-шараға мектепке дейінгі білім беру ұйымдарының 30-ға жуық арнайы мамандары қатысты.
