2025 жылдың 6 қаңтарда Астана қаласында орыс тілі мен әдебиеті мұғалімдеріне арналған «Қазіргі заманғы сабақты жобалау: ойды іске асыру жолдары» тақырыбында қалалық оқыту семинары өтті. Іс-шараны Астана қаласы әкімдігінің «Әдістемелік орталығы» МКҚК ұйымдастырды. Семинар Астана қаласы әкімдігінің «№14 мектеп-гимназиясы» ШЖҚ МКК базасында өткізілді.
Семинар модераторы — Астана қаласы әкімдігінің «Әдістемелік орталығы» МКҚК орыс тілі пәні бойынша әдіскері — Мусина Алмагүл Сұлтанқызы.
Семинардың мақсаты — педагогтердің қазіргі заманғы сабақтың теориялық негіздері бойынша білімдерін белсендіру, оның негізгі критерийлерін ұғыну, сондай-ақ білім мазмұнын жаңарту жағдайында орыс тілі мен әдебиеті мұғалімдерінің кәсіби құзыреттілігін арттыру.
Бағдарлама аясында келесі шеберлік сыныптары өткізілді:
- «Нейрожелілер — мұғалімнің жеке көмекшісі: сапалы оқу материалдарын қалай дайындау керек», спикері — Кемел Ақышев атындағы №69 мектеп-гимназиясының педагог-шебері Төлеубай Шынаржан Смағұлқызы;
- «Оқушылардың белсенді қатысуы — сабақ табыстылығының кепілі», спикері — А. Бөкейхан атындағы Binom School мектеп-лицейінің педагог-шебері Байтабенова Анар Серікқызы;
- №14 мектеп-гимназиясының педагог-шебері Балғабекова Татьяна Владимировнаның жетекшілігімен жобалық-зерттеу қызметін ұйымдастыру мәселелерін талқылау;
- «Қазіргі заманғы сабақ: талаптар мен басымдықтар» тақырыбындағы шеберлік сыныбы, оны Астана қаласындағы №72 мектеп-лицейінің педагог-зерттеушісі Альмухамедова Баян Қуандыққызы және №98 мектеп-лицейінің педагог-зерттеушісі Бершкеева Наталья Николаевна жүргізді.
Семинар қорытындысы шығарылып, қатысушыларға сертификаттар табысталды.
Аталған семинарды өткізу тиімді педагогикалық тәжірибелерді таратуға, заманауи білім беру технологияларын енгізуге және Астана қаласындағы орыс тілі мен әдебиеті мұғалімдерінің кәсіби дамуын қолдауға бағытталды.
