2025 жылдың 27 тамыз күні Әдістемелік орталық әдіскері Жанар Сейтахмет қалалық қазақ тілі мен әдебиеті пәні педагогтеріне арналған «Әдістемелік нұсқаулық хат: жаңа оқу жылының бағыттары мен басымдықтары» вебинар ұйымдастырды.
«Әдістемелік нұсқаулық хат: жаңа оқу жылының бағыттары мен басымдықтары» өткен вебинар барысында жаңа оқу жылына арналған негізгі жаңалықтар мен басымдықтар жан-жақты түсіндірілді.
Атап айтқанда:
ü жасанды интеллект (ЖИ) мүмкіндіктерін білім беру үдерісінде тиімді пайдалану;
ü қазақ тілі мен қазақ әдебиеті пәндері бойынша әдістемелік ерекшеліктерін таныстыру;
ü Әдістемелік нұсқау хаттың жалпы құрылымы мен мазмұнын талдау;
ü «Адал азамат» біртұтас тәрбие бағдарламасы аясында жүзеге асырылатын жұмыстар қарастырылды.
Вебинарға қатысқан педагогтер жаңа оқу жылындағы әдістемелік бағыттармен танысып қана қоймай, тәжірибе алмасу мүмкіндігіне ие болды.
Вебинар спикерлері:
· Мнайдарова Гүлмира Сейтжановна – Ы. Алтынсарин атындағы Ұлттық білім академиясының Дидактика зертханасының аға ғылыми қызметкері.
· Кенжебаева Гүлдариға Мерекебайқызы – Ы. Алтынсарин атындағы Ұлттық білім академиясының Қазақ филологиясы зертханасының жетекшісі, педагогика ғылымдарының кандидаты.
· Мурат Жұпар Мұратқызы – А. Байтұрсынұлы атындағы BINOM school мектеп-лицейінің қазақ тілі мен әдебиеті пәні мұғалімі.
· Жылқайдарова Фариза Махмұтқызы – М. Мақатаев атындағы №74 мектеп-гимназиясының қазақ тілі мен әдебиеті пәні мұғалімі.
· Қаңғылбай Ақерке Әділбайқызы – М. Мақатаев атындағы №74 мектеп-гимназиясының қазақ тілі мен әдебиеті пәні мұғалімі.
· Имакова Лаура Оспановна – Ф. Оңғарсынова атындағы №77 мектеп-гимназиясының қазақ тілі мен әдебиеті пәні мұғалімі.
· Қайырғалиев Берік Сатыбалдиевич – Ф. Оңғарсынова атындағы №77 мектеп-гимназиясының қазақ тілі мен әдебиеті пәні мұғалімі.
Бұл шара ұстаздардың кәсіби дамуына, оқу-тәрбие үдерісінің сапасын арттыруға және «Адал азамат» құндылықтарын жүзеге асыруға бағытталды. Вебинарға қатысушылар жаңа оқу жылына арналған әдістемелік бағыттармен танысып, тәжірибе алмасып, білім беру сапасын жетілдіруге бағытталған пайдалы ақпарат алды.
