2022 жылғы 16 сәуірде Нұр-Сұлтан қаласы әкімдігінің «Білім беруді жаңғырту орталығы» МКҚК инновациялық жұмыс және ынтымақтастық бөлімінің жоспары бойынша «Global scholars» халықаралық жобасы аясында «М. Мақатаев атындағы №74 мектеп-гимназия» базасында ережеге сәйкес «Train your brain» зияткерлік олимпиадасы өтті. Олимпиада 2 кезеңнен тұрды: 1 — іріктеу — кезеңі онлайн-режимде өтті, онда мектеп оқушылары командалары, бағдарламаның ағымдағы жылдың тақырыбы бойынша бейнеролик ұсынды. Нәтижесінде, 1 кезеңге қатысқан 14 мектеп командаларынан 2-кезеңге 6 мектеп (№№ 17, 26, 53, 76, 80, 86) командалары өтті.
Олимпиада барысында командалар ағылшын тілінде 3 тапсырманы орындады:
— команданы таныстыру;
— «Kahоot» бағдарламасы арқылы сұрақ-жауаптар;
— Берілген тақырыптар бойынша жобаларды қорғау.
Олимпиаданың 2 кезеңінің қорытындысы бойынша:
— 1 орынды №53 мектеп-лицейі командасы иеленді;
— 2 орынды №26 мектеп-гимназия командасы иеленді;
— 3 орынды 80 мектеп-гимназия командасы иеленді. Қалған мектеп командаларына қатысушы сертификаттары берілді.
