Астана қаласы әкімдігінің «Әдістемелік орталық» МКҚК мен Тілдерді дамыту және архив ісі басқармасына қарасты «Руханият» КММ өкілдері бірлескен отырыс өткізді. Отырыста ҚР Оқу-ағарту министрлігінің Балаларды ерте дамыту институты базасында әзірленген «Тілге бойлау» бағдарламасы негізінде бастауыш сынып тәрбиеленушілері мен мектепалды даярлық топтарының оқушыларына, сондай-ақ олардың ата-аналарына мемлекеттік тілдің қолдану аясын кеңейту және мәртебесін арттыру бағытындағы бірлескен іс-шараларды жүзеге асыру мәселелерді қарастырды. Сонымен бірге қазақ тілінде білім алушылардың өз ойларын еркін, ауызша және жазбаша жеткізе алуына мүмкіндік беретін тілдік орта құру, соның негізінде оқушылардың қазақ тілін меңгеру деңгейін арттыру және тілдік қабілеттерін дамыту мәселелері талқыланды және бірлескен іс-шараларды іске асырудың тиімді жолдарын қарастырды.
Атап айтқанда:
· ата-аналарды балаларымен бірге қазақ тілін үйренуге ынталандыру;
· мектеп пен отбасы арасындағы тілдік байланысты нығайту;
· ойын арқылы тіл үйрету әдістемесін жетілдіру;
· қосымша тілдік клубтар мен үйірмелерді ұйымдастыру, оқушылардың қазақ тілін меңгеруін қолдау және тілдік ортаны кеңейту мақсатында жүйелі жұмыстар жүргізу.
Сонымен қатар, қатысушылар мемлекеттік тілдің мәртебесін арттыруға арналған түрлі жобалар мен әдістемелік қолдау тетіктерін енгізудің маңызына тоқталды. Жұмыс барысында тіл үйретудің жаңа әдістері, ата-аналарға арналған тілдік клубтар мен қосымша үйірмелерді ұйымдастыру, балалар үшін ойын арқылы тілді меңгертудің тиімді жолдары сөз болды.
Отырыстың қорытындысында «Руханият» КММ мен «Әдістемелік орталық» МКҚК мемлекеттік тілдің қолданыс аясын кеңейтуге бағытталған іс-шараларды жүйелі түрде бірлесіп жүзеге асыру туралы келісімге келді.
