2025 жылдың 26–27 тамыз күндері жаңа оқу жылына дайындық аясында «2025–2026 оқу жылында Қазақстан Республикасының жалпы білім беретін мектептерінде білім беру процесін ұйымдастырудың ерекшеліктері туралы» әдістемелік нұсқау хатты түсіндіру мақсатында қалалық онлайн-семинарлар өтті.
Іс-шараларды әдістемелік орталықтың орта білім беру бөлімінің әдіскерлері Аубакиров А.С. және Кабдиева А.С. ұйымдастырып, жүргізді. Семинарларға мектеп директорларының оқу ісі жөніндегі орынбасарлары, бейіндік оқыту жөніндегі орынбасарлары, физика және математика және ағылшын тілі пәндері мұғалімдері қатысты.
Семинарлар барысында келесі өзекті мәселелерге назар аударылды:
1. 2025–2026 оқу жылына арналған әдістемелік нұсқау хаттың мазмұны мен негізгі жаңалықтары;
2. Зертханалық жұмыстарға арналған дәптерлерді жүргізуге қойылатын талаптар (әсіресе физика пәні бойынша);
3. Мектептегі әдістемелік бірлестіктердің жұмысын ұйымдастыруға қатысты әдістемелік ұсынымдар;
4. Пән апталықтарын жоспарлау және өткізу тәртібі.
Семинарларға қатысушылар өзара тәжірибе алмасып, жаңа оқу жылында білім беру сапасын арттыру бағытында нақты ұсыныстар мен шешімдерді талқылады. Іс-шаралар педагогтерге кәсіби қолдау көрсетіп, оқу процесін сапалы ұйымдастыруға бағытталған маңызды қадам болды.
