2024 жылдың 19 желтоқсан күні Астана қаласы әкімдігінің «Әдістемелік орталығы» МКҚК ТжББ бөлімінің әдіскерлері «Л. Н. Гумилев атындағы Еуразия ұлттық университеті» КЕ АҚ колледжінің педагогикалық ұжымына «Техникалық және кәсіптік білім беру ұйымдары педагогтерінің оқу-әдістемелік жұмысын тиімді ұйымдастыру» тақырыбында әдістемелік десант өткізді.
Іс-шара барысында әдіскерлермен «Педагогтердің авторлық материалдары: сараптама үлгісі» оқыту кейсі, «Білім беру үрдісіне инновацияларды және эксперименттік бағдарламаларды енгізу және іске асыру» шебер-сынып өткізілді, сонымен қатар педагогикалық аттестаттау рәсіміне дайындық және өту бойынша ұсыныстар берілді.
Семинардың практикалық бөлімінде оқытушыларға команда құрамында ортақ мақсатқа жету үшін қажетті ынтымақтастық, коммуникация және ұйымдастыру дағдыларын қалыптастыруға арналған практикалық жаттығулар мен тренингтер өткізілді.
