2024 жылғы 10 желтоқсанда Астана қаласы әкімдігінің «Әдістемелік орталығы» МКҚК әдіскерлері мектепке дейінгі білім беру ұйымдарының арнайы мамандары үшін «Ерекше білім беру қажеттіліктері бар балалардың мінез-құлқын түзету және оқыту процесіндегі ата-аналардың рөлі» тақырыбында оқыту семинарын өткізді.
Іс-шара барысында орталықтың әдіскерлері мектепке дейінгі білім беру ұйымдарының арнайы мамандарына инклюзивті білім беруді жүзеге асыруда жүргізілетін жұмыс түрлерімен таныстырды. №1 «Асыл Мирас» аутизмі бар балаларды қолдау орталығының арнайы дефектолог мамандары «Проблемное поведение ребенка с РАС. Как правильно реагировать?», №2 психологиялық-педагогикалық түзету кабинетінің арнайы логопед мамандары «Выполнение дыхательных упражнений в домашних условиях» тақырыптарында толық ақпарат беріп, ерекше білім беру қажеттіліктері бар балалармен жұмыс жасаудың әдіс-тәсілдерімен бөлісіп, шебер сыныптар көрсетті.
Семинарға қатысушылар кері байланыста болып, ашық диалог аясында еркін пікір алмасты. Іс-шараға мектепке дейінгі білім беру ұйымдарының 80-ге жуық арнайы мамандары қатысты.
