Астана қаласының Әдістемелік орталығы «Әдістемелік десант» жобасы аясында №43 «Қызғалдақ» балабақшасының педагогтеріне әдістемелік көмек көрсету мақсатында әдістемелік күн ұйымдастырды.
Іс-шара барысында балабақша ұжымына педагогтерге қатысты өзекті мектепке дейінгі әдістемелік мәселелер қарастырылды. Орталық әдіскерлері тәрбиеленушілермен жұмыс барысында педагогтерге нормативтік құжаттарды, перспективалық жоспар және циклограмманың жазу үлгісін, баланың жеке даму картасын толтыру талаптарын, «Біртұтас тәрбие бағдарламасы» мектепке дейінгі білім беру ұйымдарында жүзеге асыру жолдарын түсіндірді.
Семинар-практикум соңында рефлексия жүргізілді, педагогтер кері байланыс беріп, ой-пікірлерімен бөлісті.
