2024 жылдың 4 қыркүйек күні Астана халықаралық университетінің педагогикалық колледжінде «Оқыту-әдістемелік құжаттаманы құрастыру және рәсімдеу» тақырыбында қалалық оқыту семинары өтті.
Өткізу мақсаты – жас педагогтерге оқу-әдістемелік құжаттаманы әзірлеу және кәсіби қызметке бейімдеуде әдістемелік қолдау көрсету.
Семинарда ТжКББ бөлімінің әдіскері Есенбекова А.Е. 2024-2025 оқу жылына арналған техникалық, кәсіптік және орта білімнен кейінгі білім беру ұйымдарында оқу процесін ұйымдастыру бойынша нұсқаулық-әдістемелік ұсыныстарымен таныстырды.
Қызықты және танымдық форматта «Колледж оқытушыларына арналған оқу-әдістемелік құжаттаманың құрастыру мен мазмұны» тақырыбында педагогикалық тренингтерді Кәсіптік-техникалық колледж директорының бейінді білім беру жөніндегі орынбасары Тогайбаева Н.К. және Техникалық колледжінің арнайы пәндер оқытушысы, «Талап» КЕАҚ штаттан тыс тренері Кенжебекова Г.С. өткізді.
Іс-шара соңында қорытынды шығарылып, қызықтырған сұрақтарға жауаптар берілді.
