12 сәуір күні Шейх Халифа бен Заид әл-Нахаян атындағы №84 мектеп-лицейінде Ғылым күніне орай «Әлемдегі терең сыр ғылыммен ғана ашылмақ…» атты мектепішілік іс-шара өтті. Іс-шараның негізгі мақсаты: оқушылардың ғылым туралы таным көкжиегін кеңейту, сыныптан тыс жұмыстарды ұйымдастыру арқылы ғылымның әр саласына терең бойлау және өздерінің зерттеу жұмыстарымен таныстыру.
Іс-шараға Астана қаласы Әдістемелік орталығының «Талдау және мониторинг» бөлімінің әдіскерлері К. И. Баяхметбаева, Р. Р. Айгараева, «Орта білім беру» бөлімінің әдіскері А.Б. Амирова және ата-аналар қонақ ретінде қатысты.
Ғылым күніне арналған мерекелік іс-шарада бастауыш сынып оқушыларының қатысуымен роботтар дефилесі және қазақ академигі, ғалым-геолог Қаныш Сатпаев атамыздың «Уақыт машинасы» арқылы осы дәуірге түсуін бейнелейтін мектеп оқушыларының қойылымы көрсетілді.
Іс-шараның екінші кезеңінде «Лидер» оқушылардың ғылыми қоғамының ұйымдастыруымен 5-11-сынып оқушыларының мектепішілік ғылыми жобалар мен бастауыш сынып оқушыларының жоба жұмыстарын қорғады. Пән мұғалімдері әр түрлі форматта дайындаған ғылыми-танымдық сабақтарымен таныстырды.
Алдағы уақытта осындай оқушылардың ой-өрісін дамытатын, ғылымды игеруге деген қызығушылығын арттыратын іс-шаралардың жиі ұйымдастырылса деген ниеттерін білдірді.
Әлемнің терең сырын ашатын, білім шыңына шығатын шәкірттер қатары көбейіп, еліміздің болашағы айқын боларына сеніміміз мол!
