2024 жылғы 04 наурыз күні Сәкен Сейфуллин атындағы №80 мектеп-гимназиясында «Салауатты тамақтану мектебі» жобасы аясында ««Happy Life» тақырыбында қалалық практикалық семинар өтті. Іс-шараға жобадағы мектептердің 25 педагогі мен №№6, 12, 51, 80 мектептер командаларынан 40 оқушы қатысты.
Семинар барысында «Нутрицилогияның ғылыми аспектілері», «Дұрыс тамақтану формуласы» бойынша теориялық негіздеме, келесі кезеңде «Food зертхана», «Күштірек болу үшін не жеу керек?», «Дұрыс тамақтанудың құпиялары» аясында шебер-сыныптар өткізілді.
Іс-шара соңында қатысушылар мен ата-аналар алған әсерлерімен бөлісіп, «Салауатты тамақтану мектебі» жобасының бала тәрбиесінде маңызы зор екенін атап өтті.
