2024 жылғы 29 ақпан күні Астана қаласы әкімдігінің «Әдістемелік орталығы» МКҚК психологиялық сүйемелдеу бөлімінің әдіскерлері №36 орта мектебінің педагогтері үшін семинар өткізді. Іс – шараның мақсаты кәмелетке толмағандардың аутодеструктивті мінез – құлқының алдын алуға бағытталған. Педагогтерге жасөспірімдердің қауіпті мінез-құлық белгілерін тану, қиын жағдайлар туындаған кезде балаларды қолдау тәсілдері мен іс-қимылдар алгоритмі бойынша ұсыныстар берілді. Семинарда қаланың бес ауданында жұмыс істейтін психологиялық – консультациялық көмек көрсету кабинеттері туралы және балалар, ата-аналар мен педагогтар үшін тегін психологиялық кеңес алу мүмкіндігі туралы ақпарат берілді. Семинар тыңдаушылары өз әсерлерімен бөлісіп, тақырыптың өзектілігін атап өтті.
![](https://astana-modern.edu.kz/wp-content/uploads/2024/03/Изображение-WhatsApp-2024-03-01-в-13.51.25_ed3deaf3-1024x576.jpg)