2024 жылдың 17 қаңтар күні Астана қаласы Әдістемелік орталықтың әдіскері Ш.Шакированың ұйымдастыруымен «Alpamys School» жекеменшік мектеп базасында химия пәні педагогтеріне «Шебердан тәлім» жобасы аясында «Сабақ сапасы-ұстаз біліктілігінде» тақырыбында қалалық оқыту семинары ұйымдастырылды.
Семинарда Астана қаласының химия пәні бойынша педагог-шеберлері №17 мектеп-гимназиясының химия және биология пәні мұғалімі Жусупова Айнур Тыныбековна, Ж.Жабаев атындағы мектеп-гимназиясының химия пәні мұғалімі Кудерина Шарбану Ағзамовна, №66 мектеп-лицейінің химия пәні мұғалімі Искакова Дана Манапқызы, №93 мектеп-лицейінің химия пәні мұғалімі Оспанова Гульмира Нургазыевна қатысушыларға шебер- кластар, коучинг, тренинг өткізді. Іс-шараға барлығы 72 педагог қатысты.
Семинар соңында қатысушылармен ашық микрофон арқылы диалогтік алаң құрылып, өзара пікір алмасып, кері байланыс жасалды. Қатысушылар іс-тәжірибесімен бөліскен педагогтерге, ұйымдастырушы Ш.Шакироваға жылы лебіздерін білдіріп, ізгі тілектерін жолдады.
