2023 жылдың 07 желтоқсан күні Астана қаласы әкімдігінің «Әдістемелік орталық» МКҚК психологиялық сүйемелдеу бөлімінің әдіскерлерінің ұйымдастыруымен мектеп психологтарына әдістемелік көмек ретінде №90 МГ 5 «в» және 6 «ә» және №86 МГ 5 «а», «б», «в», «г», «д» сынып оқушыларымен психологиялық жаттығулар өткізілді.
Оқушылармен команда құру, өзіндік сенімділігін арттыру және өзін-өзі қабылдауға байланысты, қоршаған әлемге жағымды қатынас пен өзгелерді қабылдауға және жауапкершілікті қалыптастыратын топтық жаттығулар жүргізілді. Оқушылар өздеріне қатысты ақпаратпен бөлісіп, бір-біріне сыйлықтар жасап, жылы тілектерімен бөлісті.
Ал мектеп психологтарына өзге де сыныптарда тренингтер жүргізу үшін әдістемелік ұсыныстар мен іс-шараның әзірлемелері берілді.
