2023 жылдың 29 қараша күні Астана қаласы әкімдігінің «Әдістемелік орталығы» МКҚК әдіскері Маман Жанар Сейдахметқызының сүйемелдеуімен Нәзір Төреқұлов атындағы №35 мектеп-лицейінде «Ұлттық құндылықтар қазақ тілі мен әдебиеті сабақтарында» қалалық тәжірибе алмасу семинары өтті.
Семинар қазақ тілі мен әдебиеті пәндерін оқытуда бүгінгі ұлттық құндылықтарды заман талабына сай игертудегі мұғалімдердің шығармашылық ізденісін жетілдіру, қазақ тілі мен әдебиеті пәндері педагогтерінің кәсіби шеберлігін арттыру, озат тәжірибе алмасу, іс-тәжірибемен бөлісу және тарату мақсатында қазақ тілі мен әдебиеті пәні ұстаздары ашық сабақ, шеберлік сыныптар өткізді. Әрбір сабақ элементтерінде ұлттық құндылықтарды дәріптеуде ұстаздар өз шеберліктерін ортаға салып, қала ұстаздарына өз тәжірибелерін көрсетті. Секминарға 62 қазақ тілі мен әдебиеті пәні педагогтері қатысты.
