2023 жылдың 23 қараша күні Астана қаласы әкімдігінің «Әдістемелік орталығы» МКҚК ұйымдастыруымен балалармен жағымды қарым-қатынасты орната білуде психологиялық білімді жетілдіру мақсатында №17 мектеп-гимназиясының 5-11 сынып оқушыларының ата-аналарына семинар-тренинг ұйымдастырылды.
Топтық жұмыс барысында отбасына көмек ретінде ұсынылған жаңа психологиялық әдістер туралы ой қозғалды. Ата-ана мен бала қарым-қатынасына қатысты өзекті мәселелер негізге алынып, отбасындағы жағымды қатынастың жасөспірім үшін басты құндылықтардың бірі екені талқыланды.
Сонымен қатар, біздің қаламыздағы бес аудан бойынша жұмыс жүргізіліп жатқан, психологиялық-консультациялық көмек көрсету кабинеттерінің қызметі туралы толық ақпарат берілді.
