Әдістемелік орталық «Астана дипломатиялық клубы» қоғамдық бірлестігімен бірлесіп «Жас дипломат» жаңа жобасын іске қосты.
«Жас дипломат» жобасының мақсаты өскелең ұрпақты өз елінің тарихи мүдделерін түсіну рухында тәрбиелеу, жастардың Қазақстанның және әлемнің түрлі елдерінің тарихы мен мәдениетін, қазақстандық және әлемдік тарихи-дипломатиялық мұраны зерделеуіне жәрдемдесу.
Жоба бағдарламасы экономиканың түрлі салаларында халықаралық мамандарды даярлаумен байланысты отандық және шетелдік жоғары оқу орындарына түсуді жоспарлап отырған жоғары сынып оқушылары үшін кәсіптік бағдарлау білім беру іс-шараларын өткізуге бағытталған.
Жоба аясында 2023 жылғы 14 наурызда №91 мектеп-гимназиясында бірінші отырыс өтті. Іс-шараға №№ 15, 37, 51, 59, 82, 89, 91 және 93 мектептің білім алушылары қатысты. Кездесу барысында «Жас дипломат» жаңа білім беру жобасы бойынша бірлескен жоспар әзірленді.
