2025 жылғы 15 сәуір күні Астана қаласы әкімдігінің Әдістемелік орталығында Халықаралық бакалавриат (IB) ұйымының өкілдері — IB мектептері департаментінің аға менеджері Кэтрин Фокс және Африка, Еуропа және Таяу Шығыс елдерімен өзара әрекеттесу және тану жөніндегі аға менеджер Вердана Павлетичпен жұмыс кездесуі өтті.
📌 Кездесу барысында Астана қаласындағы мемлекеттік мектептерде International Baccalaureate бағдарламаларын іске асырудың өзекті мәселелері талқыланды.
🏫 Бүгінгі таңда Астана қаласында бес мемлекеттік мектепте бастауыш (PYP), негізгі (MYP) және дипломдық (DP) деңгейлерді қамтитын IB бағдарламалары іске асырылады. Бағдарламалар белсенді дамып келеді және Әдістемелік орталық пен халықаралық серіктестер тарапынан қолдау табуда.
🤝 Кездесу қорытындысы бойынша тараптар әдістемелік қолдау көрсету, тәжірибе алмасу және елордалық IB-педагогтер қауымдастығын дамыту салаларында ынтымақтастықты жалғастыруға уағдаласты.
#IBKazakhstan #IBschoolsAstana
