2025 жылдың 28 қаңтары күні Астана қаласында Жұмысшы мамандықтар жылы аясында «Талант, ғылым, шеберлік» атты ғылыми –тәжірибелік кампус өтті.
Мақсаты: колледж педагогтерінің кәсіби құзыреттілігін арттыру үшін жағдай жасау және жұмысшы мамандықтарының беделін арттыру.
Аталған іс-шарада «Техникалық және кәсіптік білім беру жүйесінде мамандар даярлаудың заманауи тәсілдері» атты техникалық және кәсіптік білім беру ұйымдарының педагогтеріне арналған ХⅠ қалалық ғылыми-тәжірибелік конференция ұйымдастырылды.
Конференцияның негізі жұмыс бағыттары:
— Кәсіби білім беру жүйесі: жұмысшы кадрларды даярлау тәжірибесі және колледждің даму перспективалары;
— Қазіргі заманғы сабақ жағдайында функционалдық сауаттылықты қалыптастыру;
— Қоғамның экономикалық дамуы және кәсіби кадрларды даярлау;
— Цифрландыру: жаңа трендтер және оқу процесіне енгізу тәжірибесі;
— Әлеуметтік-экономикалық пәндерді оқыту барысында кәсіби құзыреттерді қалыптастыру;
— «Біртұтас тәрбие» бағдарламасы және құндылыққа бағытталған тұлғаны қалыптастыруға арналған тәрбие стратегиялары;
— Ерекше білім беру қажеттіліктері бар студенттер үшін кедергісіз білім беру ортасын құру.
Шараның практикалық кезеңінде диалог алаңдар, дөңгелек үстел, панельдік дискуссиялар, BarCamp — антиконференциясы, педагогикалық коллоквиум және т.б. отырыстар өткізілді.
Колледж педагогтері және іс-шара қонақтары «Жас дизайнерлердің идеялары», «Дәмді нан құпиялары» жұмыстарының көрмелерін көріп, «Мамандықтар әлемін ашу» шеберлік сыныптарына, «Ұстаз болу — өнер» педагогикалық коллоквиумына, бук-кроссингтерге қатысты.
