2025 жылғы 16 мамыр күні Астана қаласы әкімдігінің «Әдістемелік орталығы» МКҚК жұмыс жоспарына сәйкес әдістемелік көмек көрсету мақсатында сынып жетекшілеріне арналған вебинар өтті.
Вебинарда № 14 мектеп — гимназиясының қазақ тілі мен әдебиеті пәні мұғалімі, 5 сынып жетекшісі Анарбаева Фарида Сметовна «Рухани-адамгершілік тәрбие-ұлттық тәрбие мен моральдық құндылықтарды сіңіру» тақырыбында оқушылардың бейімделу кезеңдерінің жұмысымен таныстырса, № 97 мектеп — гимназияның ағылшын тілі пәні мұғалімі, 9 сынып жетекшісі Қанағатова Ақмарал Қанағатқызы «Сынып ұжымын қалыптастырудағы тиімді тәсілдер» тақырыбында ұйымшыл сынып қалыптастырудағы өз тәжірибесімен бөлісті.
Вебинар жұмысы білім беру ұйымдарындағы сынып жетекшілердің жұмысын тиімді ұйымдастыруға бағытталған ақпараттар алуға мүмкіндік берді.
