Астана қаласы әкімдігінің «Әдістемелік орталығы» МКҚК жұмыс жоспарына сәйкес 2025 жылғы 31 наурыз күні №8 мектеп-лицейінде «Құндылыққа негізделген білім беру» жобасы аясында «Құндылыққа толы мектебім» тақырыбында қалалық семинар өтті.
Семинардың мақсаты — оқу-тәрбие үрдісінде құндылыққа негізделген сабақтарды ұйымдастыру барысында педагогтердің шеберлігін арттыру.
Семинарға директордың тәрбие ісі жөніндегі орынбасарлары, директордың бейіндік ісі жөніндегі орынбасарлары, сынып жетекшілер әдістемелік бірлестігінің жетекшілері қатысты.
Семинар «Ұлттық мәдениеттің негізі – салт-дәстүр» атты іс-шарамен басталып, салт-дәстүрлерден үзінді көрсетілді.
Семинар жұмысын мектеп директоры Гульнур Ерсаиновна Айтимова ашып, Астана қаласы әкімдігінің «Әдістемелік орталығы» МКҚК басшысының орынбасары Жангельды Куандыкович Амиргалиев «Біртұтас тәрбие» бағдарламасының мақсатын, құндылықтарды пәнге кіріктірудің маңызына тоқталды.
Семинар аясында «Физика және құндылықтар: білім берудегі үйлесімдік», «Құндылықтарға сүйенген математикалық білім беру», «Курт -символ стойкости»: стих, посвященный священному камню во времена Алжира», Құндылықтардың биология сабағындағы маңыздылығы», «Масғұт» поэмасындағы адами құндылықтар» (кіріктірілген сабақ: қазақ әдебиеті мен тарих), «Химия пәнін оқытуда ұлттық құндылықтарды дәріптеу» тақырыптарында құндылықтарды пәнге кіріктіру бойынша шеберлік сыныптар көрсетілді.
Семинар соңында мектеп психологі «Менің ішкі әлемім» құндылықтардың психологиялық әсері» тақырыбында психологиялық тренинг жүргізіп, қатысушылар педагогтердің іс-тәжірибесіне кері байланыс беріп, рефлекция жүргізілді.
