2025 жылғы 05 маусымында Астана халықаралық университетінің педагогикалық колледж базасында Астана қаласы колледждерінің оқытушылары үшін эксперименттік және инновациялық білім беру жобаларын іске асырудың аралық және түпкілікті нәтижелерін қорытындылау, сондай-ақ Астана қаласының ТжКББ ұйымдары арасында табысты тәжірибені тарату мақсатында «Педагогтердің эксперименттік қызметі және кәсіби дамуы. Тәжірибе және нәтиже» тақырыбында семинар-практикум өткізілді.
Семинарға директордың оқу-әдістемелік жұмысы жөніндегі орынбасарлары, оқытушылар мен әдіскерлер – жұмыс істеп тұрған эксперименттік және инновациялық алаңдардан да, осы процеске енді ғана түсуді жоспарлап жүргендер де болды.
Семинар барысында талқыланған негізгі мәселелер:
— эксперименттік жобаларды сәтті жүзеге асырудың мақсаттары, кезеңдері және критерийлері;
— қолданыстағы тәжірибе алаңдары шеңберінде қол жеткізілген нәтижелерді талдау;
— эксперименттік мәліметтерді жинау мен талдаудың әдістемелік тәсілдері;
— тәжірибелік жағдайлар мен іске асыру барысында алынған сабақтар;
— инновацияларды енгізу кезіндегі қиындықтар мен оларды жеңу жолдары.
Семинар барысында қатысушылар баяндамашыларға сұрақтарын қойып, жобаларды жүзеге асыру барысында кездесетін қиындықтарды талқылап, тәжірибелік-эксперименттік қызметті одан әрі дамыту бойынша идеялармен және ұсыныстармен алмасуға мүмкіндік алды.
Семинарға 50-ден астам адам қатысты.
