2025 жылғы 02 сәуір Астана қаласы әкімдігінің «Әдістемелік орталығы» МКҚК мектепке дейінгі арнайы және инклюзивті білім беру педагогтері қауымдастығының жылдық жоспарына сәйкес №92 «Жауқазын» балабақшасының арнайы мамандары Нұра аудандарының мектепке дейінгі білім беру ұйымдарының арнайы мамандарына ұйымдастырылған оқу іс-әрекеттерін өткізді.
Іс-шара барысында балабақшаның арнайы мамандары ерекше білім беру қажеттілігі бар балалармен «Ойын-жаттығулар арқылы ерекше білімді қажет ететін балалардың ойлауы мен танымдық және шығармашылық деңгейлерін дамыту», «Сиқырлы әлем», «Қимылдап ойнап ойлаймыз» атты ұйымдастырылған оқу іс әрекеттерін көрсете отырып ерекше балалармен жұмыс жасаудың тиімді әдіс-тәсілдерімен бөлісті.
Ұйымдастырылған оқу іс -әрекетіне қатысушылар кері байланыста болып, ашық диалог аясында еркін пікір алмасты. Іс-шараға мектепке дейінгі білім беру ұйымдарының 25-ке жуық арнайы мамандары қатысты.
