2025 жылғы 26 наурызда Астана қаласы әкімдігінің «Әдістемелік орталығы» МКҚК «Ой дамыту» К. Тердікбайдың зертханасының жұмыс жоспары аясында «Геометриялық есептерді шешудің таңдаулы әдіс-тәсілдері» тақырыбында қалалық онлайн семинар өтті. Семинарға қала мектептерінің математика пән мұғалімдер қатысты.
Семинардың негізгі мақсаты – мұғалімдердің геометриялық есептерді шешудегі әдістемелік дағдыларын жетілдіру, заманауи педагогикалық технологияларды енгізу және тиімді әдіс-тәсілдермен бөлісу болды. Қатысушыларға геометриялық есептерді шешудің түрлі инновациялық әдістері ұсынылып, нақты мысалдар арқылы талдау жүргізілді.
Семинар барысында қатысушылар келесі маңызды мәселелерді қарастырды:
· Геометриялық есептерді шешудің дәстүрлі және заманауи тәсілдері;
· Оқушылардың логикалық ойлау қабілетін дамытуға бағытталған әдістер;
· Қиын деңгейлі есептерді шешудің тиімді стратегиялары.
Қатысушылар өз тәжірибелерімен бөлісіп, практикалық тапсырмалар орындап, пікір алмасты. Семинар соңында қатысушылар іс-шараның жоғары деңгейде ұйымдастырылғанын атап өтіп, болашақта осындай тәжірибе алмасу алаңдарының жиі өткізілуіне ниет білдірді.
