2023 жылғы 1 маусым күні барлық елордалық балабақшаларда балаларды қорғау күніне орай түрлі мерекелік іс-шаралар өтіп жатыр.
Сонымен қатар, Астана қаласы Білім басқармасының қолдауымен Астана қаласының «Әдістемелік орталығы» бірқатар балабақшалардың 80 тәрбиеленушілері үшін ұстаздар аллеясында «Балалық шақ – ғажайыптар әлемі» атты іс-шара ұйымдастырды.
Шара барысында «Сиқырлы алаң», «Алаңдағы бестемше» танымдық ойындары, аниматорлармен қимылды ойындар, спорттық эстафета, музыкалық оркестрлік концерт өтті. Балалар ән айтып, би билеп өз өнерлерін көрсетті.
Іс-шара соңында балалар асфальтқа сурет салып, флешмоб ұйымдастырылды.
Іс-шараға Астана қаласының педагогтері мен тәрбиеленушілері қатысты.
