2023 жылғы 1 тамыз күні Астана қаласы Білім басқармасының жоспарына сәйкес Астана қаласы әкімдігінің «Әдістемелік орталығы» МКҚК ұйымдастыруымен елордалық мемлекеттік мектептерде «Балақайлар мектебі» курстарының салтанатты ашылу рәсімі өтті.
Мақсаты – «Балақайлар мектебі» курстарын ұйымдастыру және енгізу мәселелері бойынша педагогтерге әдістемелік көмек көрсету, бастауыш мектепте оқуға балалардың зияткерлік, мотивациялық, эмоционалдық- еріктік дайындығына ықпал ететін және бірінші сынып оқушысының табысты бейімделуін қамтамасыз ететін білім беру ортасын құру.
Астана қаласы мемлекеттік мектептерінің бастауыш сынып педагогтері биыл мектеп табалдырығын аттағалы отырған 1-сынып бүлдіршіндерін білім ортасына бейімдеу үшін 2023 жылғы 1-25 тамыз аралығында «Балақайлар мектебі» қысқа мерзімді даярлық курстарын жүргізеді. Курстарды оқыту жоспары ұлттық құндылықтарға негізделіп әзірленген және ойын түрінде іске асырылады.
Іс-шараға Астана қаласы Білім басқармасының өкілдері, Әдістемелік орталық әдіскерлері, елордалық бастауыш сынып педагогтері,сондай-ақ ата-аналар қатысты.
Қадамың құтты болсын, құлыншақ!
