Астана қаласы әкімшілігінің МКҚК «Әдістемелік орталық» жоспарына сәйкес 2023 жылдың 02 қараша күні Ахмет Байтұрсынұлы атындағы №48 мектеп-гимназиясында «Авторлық- педагогикалық әзірленімінің түрлері мен құрастыру ережелері» тақырыбында білім беру ұйымдарының музыка пәні мұғалімдеріне арналған семинар өткізілді. Семинардың мақсаты авторлық- инновациялық іс-тәжірибе материалдарының бағдарламасын құруға әдістемелік көмек көрсету. Семинар аясында білім беру ұйымдары педагогтерінің іс-тәжірибесін тарату жұмысын және Ib бағдарламасын үйлестіру жөніндегі әдіскері Р.Айгараева педагогтердің педагогикалық іс-тәжірибелерінің негізгі кезеңдері және тарату түрлерімен таныстырды.
Семинар жұмысына №64 мектеп-лицейінің музыка пәні мұғалімі Ж.А.Кудерина «Қазақ әндерін үйрету арқылы ән өнеріне деген сүйіспеншілік пен ұлттық құндылықтарды дарыту», № 70 мектеп-лицейінен педагог шебер ұстазы Қ.У.Едресов «Өнерім-өмірімнің жарқыраған айнасы», №3 арнайы мектебінен Л.К.Такеева «Ерекше білім беру қажеттіліктері бар білім алушылардың шығармашылық қабілеттерін дамыту», №32 мектеп-гимназиясынан Г.М.Сейдагаламова «Білім алушылардың рухани бойында мәдениет пен үлгі өнегені қалыптастыру» тақырыптарында өздерінің авторлық бағдарламаларымен таныстырып жұмыс тәжірибелерімен бөлісті.
Семинар соңында рефлексия жүргізілді, педагогтер кері байланыс беріп, ой-пікірлерімен бөлісті. Іс шараға білім беру ұйымдарының 45-ке жуық музыка пәні мұғалімдері қатысты.
