2023 жылғы 3 наурыз күні Астана қаласының «Әдістемелік орталығы» МКҚК жылдық жоспарына сәйкес №21 орта мектепте арнайы сыныптарда ерекше білім беру қажеттіліктері бар балалармен жұмыс істейтін арнайы педагогтерге арналған «Ерекше балалар-ерекше көзқарас» тақырыбында семинар-практикум өтті.
Семинар барысында мектептің арнайы педагогтері мен бастауыш сынып мұғалімдері арнайы сыныптағы жұмыстары бойынша өз іс-тәжірибелерімен бөлісіп, ашық сабақтар мен шебер-сыныптар өткізді:
– «Арнайы сыныптарда ҚМЖ құрудың негізгі принциптер»;
– «Наурыздың сәні – зергерлік бұйымдар»;
– «Сөз буындарында «Ш» дыбысын автоматтандыру».
Сондай-ақ, педагог-психолог арнайы сыныптарының оқушылары және ата-аналарымен жүргізілетін жұмысын көрсетті.
Семинар-практикум соңында ұсыныстар мен пікірлер айтылып, кері байланыс жасалды.
