2021 жылғы 02 сәуірде Білім беруді жаңғырту орталығы әдістемелік кеңесінің кезекті отырысында Ы. Алтынсарин атындағы Ұлттық білім беру академиясы әріптестерінің қатысуымен SHARE халықаралық жобасын жүзеге асыру сұрағы талқыланды.
Аталған шараға 3-топтың 50-ден астам педагогтері қатысты (№№27,35,60,62,65,68,77, №2 арнайы мектеп).
Отырыс аясында SHARE жобасының мектепішілік және желілік үйлестірушілері, Білім беруді жаңғырту орталығының әдіскерлері келесі мәселелерді талқылады:
— Нұр-Сұлтан қаласында педагогтердің рефлексивтік қауымдастығын құру;
— SHARE халықаралық жобасы аясында мұғалімдердің дамуына арналған мүмкіндіктер;
— рефлексивті мұғалімнің бойындағы негізгі қасиеттер;
— зерттеу мәселелерін (проблемалық мәселелерді) анықтау мен қалыптастырудың маңыздылығы туралы.
Іс-шара барысында 1,5 сағат ішінде мектеп қатысушылары сұрақтар қойып, жобаның маңыздылығын талқылап, әр қатысушының жауапкершілігін айқындауға мүмкіндік алды.
Іс-шара соңында қатысушылар мен Ы.Алтынсарин Ұлттық білім беру академиясынан қатысып отырған қонақтар өткізілген вебинар бойынша кері байланыс берді, «Оқу мен оқытудың тәжірибесін жақсарту» негізгі бағытына баса назар аударды.
SHARE халықаралық жобасын жүзеге асыру сұрағы
