2023 жылдың 10-ақпанында Астана қаласы әкімдігінің «Әдістемелік орталық» МКҚК психологиялық сүйемелдеу бөлімінің әдіскерлері «Жас психолог мектебі» аясында ТжКБ бастауыш мамандары үшін педагог-психологтарға құжаттарды жүргізу бойынша әдістемелік көмек көрсету мақсатында «Психологиялық қызметтің құжаттамасын жүргізу бойынша әдістемелік ұсынымдар» тақырыбында семинар өткізді. Семинарға 14 педагог-психолог қатысты.
Психологиялық сүйемелдеу бөлімінің әдіскері К. М. Хамзина жас мамандарды «Орта білім беру ұйымдарындағы психологиялық қызмет қағидаларын бекіту туралы» ҚР Білім Министрлігінің 25.08.2022 ж. №377 бұйрығымен, колледжде педагог-психологтың құжаттамасын жүргізу нысандарымен таныстырды. Әдіскер Астана қаласы әкімдігінің Білім басқармасы 22.10.2022 ж. бекіткен №889 бұйрық бойынша «Психологиялық қызмет істерінің номенклатурасына» сәйкес құжаттаманы жүргізуге қойылатын бірыңғай талаптарды сақтау ерекшеліктеріне толығырақ тоқталды.
Семинар соңында педагог-психологтарға бөлім әдіскерлерінен жүйелі кеңес алу жөнінде ұсыныстар берілді.
