Астана қаласы әкімдігінің №66 «Толағай» балабақшасы МКҚК базасында 2023 жылғы 24 қаңтар күні «Қазақ халқының салт-дәстүрі мен әдет-ғұрпы арқылы еңбекке баулу және рухани тәрбие беру» тақырыбында қалалық семинар өтті. Ұлттық құндылықтар «Ата кәсіп» инновациялық жоба, «Ұйқы ашар» және «Көңіл ашар» ата-аналармен ынтымақтастық, «Жұма шәй», «Әжелер клубы», «Құрақты текшелер», «Қырық қалта» ұлттық ойындар негізінде жүзеге асырылуда.
Семинарға Астана қаласының мектепке дейінгі білім беру ұйымдарының меңгерушілері мен әдіскерлері, педагогтері қатысты.
Семинар балалардың қызығушылықтары мен ерекшеліктері, қажеттіліктерін ескере отырып, жалпы адами және ұлттық құндылықтар негізінде толыққанды дамыту, еңбекке баулу мақсатында өтті. Педагогтер балаларды ұлт жандылыққа, Отан сүйгіштікке, тарихын, мәдениетін, ана тілін қадірлеуге үйрету іс-әрекетінде әдіс-тәсілдермен бөлісті.
Балабақша педагогтері қазақ халқының салт-дәстүріне байланысты ою, текемет, асық, ши тоқу, асатаяқ тақырыптарында шеберлік ұйымдастырылған іс-әрекеттер көрсетті. Семинар қорытындылаумен аяқталып, тілек және ұсынымдар айтылды.
