2022 жылы 4 желтоқсан күні Астана қаласы әкімдігінің «Әдістемелік орталығы» МКҚК және Ақселеу Сейдімбек атындағы № 54 мектеп-лицейінің ұйымдастыруымен ұстаз, сазгер Кәкім Ердібайтегінің ән, терме, толғауларынан 1-ші қалалық «Астана Ұландарының дауысы» атты қалалық байқауы өтті. Өнерпаздар 4 номинация (дәстүрлі ән, терме толғау, вокалды топтар, эстрадалық ән) 3 жас ерекшелігі(кіші, орта, үлкен) топтар бойынша сайысқа түсті. Байқауға 48 мектептен 114 оқушылар қатысты.
Байқаудың мақсаты: білім алушылардың шығармашылық қабілеттерін дамыту үшін жағдай жасау, үйлесімді тұлғаны тәрбиелеу және одан әрі дамыту бойынша жүйелі және мақсатты қызмет, рухани-адамгершілік және мәдени құндылықтарға баулу.
Қалалық байқаудың қорытындысы бойынша жеңімпаздар бағалы сыйлықпен және дипломдарымен марапатталды.
