17.06-20.06.2022 жылы №35 және №53 мектептер базасында 2 және 3-топ қатысушыларына арналған SHARE халықаралық жобасын жүзеге асыру бойынша кезекті жергілікті оқыту сессиясы өткізілді. Оқыту сессиясын PHD докторы Аюбаева Назипа жүргізді. Семинарға 19 мектептен (№№2, 27, 35, 37, 50, 53, 56, 60, 62, 65, 66, 68, 70, 72, 73, 74, 76, 77, 91) 100 педагог қатысты.
Семинар аясында педагогтер жүргізілген зерттеулердің нәтижелері мен келесі жылға арналған жұмыс жоспарын ұсынды, сондай-ақ 2022 жылдың алдағы шілде айында Кембридж қаласында өтетін семинарда қаралатын мәселелерді талқылады.
Сессияда талқыланған негізгі мәселелер:
– Іс-әрекеттегі тәжірибені зерттеудің негізгі 4 тұжырымдамасы;
– миссиясы мен пайымдауы;
– мектептерде зерттеу жүргізу үшін қажетті жағдайлар;
– кәсіби әдебиеттерді оқу;
– зерттеу әдістері;
– зерттеудің бағыты;
– зерттеушінің негізгі сипаттамалары;
– LS және AR құралын біріктіру.
Семинар соңында келесі жылға арналған мектеп еріктілерімен жұмыс жоспары және алдағы педагогтердің Кембридж қаласына іс-сапары талқыланды.
