2022 жылғы 19 ақпан күні Нұр-Сұлтан қаласының Білім беруді жаңғырту орталығының ұйымдастыруымен №70 мектеп-лицейде «Бүгінгі жас маман – ертеңгі табысты ұстаз» тақырыбында қалалық семинар офлайн форматта өтті.
Іс-шара табысты мектеп: Үш фазалық өзгерісті басқару жобасын іске асыру аясында 6 үздік идеялардың бірі «4-7-20» моно жобасының тиімді жақтарымен бөлісу, тәжірибе алмасу мақсатында ұйымдастырылды.
Семинар жұмысына Білім беруді жаңғырту орталығының әдіскерлері, Алматы қаласы Педагогикалық шеберлік орталығының аға менеджері, тренер С. Ахметова, сондай-ақ елордалық бастауыш мектеп мұғалімдері қатысты.
Іс-шараның I кезеңінде №70 мектеп-лицей директорының оқу ісі жөніндегі орынбасарлары А.Амреева, Л. Балтабаева «Педагогтік қызметін бастаған жас маманның бейімделу үдерісіне кәсіби қолдау» «4-7-20» жобасы аясында инклюзивті білім берудің мүмкіндіктері» тақырыбында баяндамалар оқып, іс-тәжірибелерімен бөлісті.
II кезеңде «Жас мамандар шақырады» шығармашылық таныстырылымда аталған мектептің жас мұғалімдері көрсетті:
1. «Ньютон» зерттеушілер клубы, Е.Қырғызбай
2. «Куратор» жобасы, Н.Сулейменова, Б. Тоқбалаева
3. «Жомарт жүрек» еріктілер клубы, Е.Кинаятов, С.Жандуллаева
4. «Туған елге тағзым», А. Забенов
5. «Квиз-плиз» интеллектуалды ойыны, Б.Ахмульдинов III кезеңде семинар жұмысы қорытындыланды. Жас мамандар кері байланыс беріп, ой-пікірлерін білдірді. Жас мамандар мектебі өз жұмысын жалғастыратын болады.
