2025 жылғы 03 қараша мен 01 желтоқсан аралығында 10 бағыт бойынша еліміздің барлық өңірлерінен қатысқан бастамашыл және талантты колледж студенттерін біріктірген «Мен – кәсіпкер» республикалық Гранд-турнирі өтті. Қатысушылар өздерінің бизнес-идеяларын ұсына отырып, жоғары дайындық деңгейін, креативтілігін және Қазақстандағы кәсіпкерлік бастаманы дамытуға деген ұмтылысын көрсетті.
«Мен – кәсіпкер» байқауы тек идеялар таныстырылатын алаң ғана емес, тәжірибе алмасу, сарапшылармен танысу және кәсіби ұсыныстар алу мүмкіндігі бар маңызды платформаға айналды. Көптеген қатысушылар үшін бұл – нақты кәсіпкерлікке жасалған сенімді қадам болды.
Байқау қорытындысы бойынша Елорда колледждерінің студенттері жүлделі орындарға ие болып, кәсіби деңгейін және көшбасшылық қасиеттерін дәлелдеді:
1-орын – «Өндіріс, технологиялар, ауыл шаруашылығы» бағыты бойынша «Astana IT University» колледжінің студенті Серікбек Жасұлан (жетекшісі – Талдаубек Арай);
2-орын – «Білім, ақпарат және цифрлық технологиялар» бағыты бойынша «Astana IT University» колледжінің студенттері Самархан Әнель, Гибатоллаев Ағыбай (жетекшісі – Қанат Бегарыс Нұрланұлы);
3-орын – «Сауда» бағыты бойынша Жоғары колледж «ASTANA POLYTECHNIC» студенті Калиев Алан (жетекшісі – Сембина Майра Тұрсынханқызы);
3-орын – «Қонақ үй ісі, тамақтануды ұйымдастыру» бағыты бойынша Қоғамдық тамақтандыру және сервис колледжінің студенті Жаманбаева Динара (жетекшісі – Разбекова Жұлдыз Жеңісовна);
3-орын – «Туризм» бағыты бойынша Мағжан Жұмабаев атындағы Халықаралық Жоғары колледжінің студенттері Сайлау Нұрәсем, Амантай Ерасыл, Мұхтар Аяулым (жетекшісі – Бәкірбекова Анар Төлеубекқызы).
Жеңімпаздардың жұмыстары практикалық маңыздылығымен, инновациялық тәсілімен және нарыққа енгізуге нақты әлеуетімен ерекшеленді.
