2025 жылдың 16 қаңтар күні Астана қаласы әкімдігінің «Әдістемелік орталығы» МКҚК ТжББ бөлімінің әдіскерлері ЖШС «URBAN COLLEGE» колледжінің педагогикалық ұжымына «Техникалық және кәсіптік білім беру ұйымдары педагогтерінің оқу-әдістемелік жұмысын тиімді ұйымдастыру» тақырыбында әдістемелік десант өткізді.
Іс-шара барысында әдіскерлермен «Педагогтердің авторлық материалдары: сараптама үлгісі», «Білім беру үрдісіне инновацияларды және эксперименттік бағдарламаларды енгізу және іске асыру» оқыту кейстері өткізілді, сонымен қатар педагогикалық аттестаттау рәсіміне дайындық және өту бойынша ұсыныстар берілді.
Семинардың практикалық бөлімінде оқытушылармен команда құрамында ортақ мақсатқа жету үшін қажетті ынтымақтастық, коммуникация және ұйымдастыру дағдыларын қалыптастыруға арналған практикалық жаттығулар мен тренингтер, түрлі цифрлық технологиялар мен жасанды интеллектті қолдану бойынша шеберлік сынып өткізілді
