2024 жылы 3 желтоқсанда №86 мектеп-гиназия базасында, қалалық көркем еңбек мұғалімдері арасында ұйымдастырылған «Тәуелсіздік ұрпағы» байқауы өз мәресіне жетті. Байқаудың мақсаты: Қазақстанның тәуелсіздігін мерекелеу аясында көркем еңбек мұғалімдерінің шығармашылық әлеуетін дамыту, сәндік қолданбалы өнер, архитектура және жобалау, мүсін өнері, кескіндеме өнері сияқты бағыттарда шеберліктерін көрсету.
Байқау төрт негізгі бағыт бойынша өтті:
1. Сәндік қолданбалы өнер — бұл бөлімде әрбір қатысушы қазақ халқының ұлттық қолөнерін заманауи стильде ұсына отырып, өздерінің өнер туындыларын ұсынды. Қолөнердің түрлі түрлері, ою-өрнектер мен текстиль өнерінің үлгілері көрсетілді.
2. Архитектура және жобалау — бұл категорияда қатысушылар қалалық немесе ауылдық жерлердегі құрылыс жобаларын ұсынып, архитектуралық шешімдерін таныстырды. Жоба эстетикасы, функционалдығы мен заманауи технологияларды қолдану сияқты аспектілер бағаланды.
3. Мүсін өнері — мүсіншілер өз туындыларында тәуелсіздіктің маңыздылығын, ұлттық құндылықтарды және еркіндікті көрсетуге тырысты. Металл, ағаш және басқа да материалдардан жасалған ерекше мүсіндер байқау барысында қазылар алқасы тарапынан жоғары бағаланды.
4. Кескіндеме өнері — суретшілер өз туындыларында Қазақстанның табиғаты мен мәдениетін, тәуелсіздіктің символдарын бейнеледі. Әрбір картинаның терең мағынасы мен шығармашылық көрінісінде еліміздің тарихы мен болашағы көрініс тапты.
Байқауға қатысқан 80 мұғалім өздерінің шығармашылық жұмыстарын тек көркем өнер тұрғысынан ғана емес, сонымен қатар педагогикалық тұрғыда да ұсынды.
Қазылар алқасының шешімімен әрбір категория бойынша үздік жұмыстар анықталды. Жеңімпаздарға дипломдар мен сыйлықтар табысталды.
Бұл байқау тек қана өнер мен шығармашылықты насихаттаумен шектеліп қалмай, сонымен қатар тәуелсіздік жылдарында еліміздің мәдени мұраларын жаңғыртуға және сақтау жолындағы мұғалімдердің рөлін нығайтуға бағытталды.
