2024 жылғы 28 қазанда Астана қаласы Әдістемелік орталығының жоспарына сәйкес Ш.Шакированың ұйымдастыруымен №9 «Зерде» мамандандырылған лицей базасында биология пәнінің педагогтеріне «Сабақты жоспарлау кезінде жаратылыстану сауаттылығын дамытатын тапсырмаларды қалай қолданамыз» тақырыбында қалалық семинар өтті.
Іс-шарада елорданың тәжірибелі Сариева Гаукар Сергеевна, Мусина Бакыт Жунусовна, Тойлыбаева Улбала, Әзімханова Ботакөз өз іс-тәжірибелерімен бөлісті.
Семинар қатысушылары «Биология сабағында оқушылардың функционалдық сауаттылығын арттыру», «Биология пәнін PISA форматындағы тапсырмаларды қолдану», «Биология сабақтарында функционалдық сауаттылықты арттыру:Құзіреттіліктерді дамытуға бағытталған тапсырмаларды тиімді пайдалану”, «Жаратылыстану пәндерін біріктіре отырып Pisа тапсырмасын құрастыру» тақырыптарында өз білімдерін кеңейтті.
Семинар қатысушыларының ұсыныстары мен пікірлері ескеріліп, талқыланған мәселелердің өзектілігі айқын екендігіне қорытынды жасалды.
