Бүгін №3 мектеп-гиназияда оқыту орыс тілінде жүргізілетін мектептердегі қазақ тілі мен әдебиеті (Т2) мұғалімдері арасында әлемге танымал атақты мұғалім Рон Кларктың тарихы негізінде «Өз автобусыңды қозғалт» тақырыбында Әдістемелік күн өтті.
Аталған іс-шараның мақсаты елорда мектептеріндегі жас мамандарға мотивация беру. Алдымен «ТРИУФМ: Рон Кларк тарихы» фильмі тамашалауға берілді. Фильмдегі оқиға желісі бойынша қалалық Педагогтер Қауымдастығының мүшелері: №85 мектеп-лицейінің мұғаліміНукебаева Бақыт Сейтхановна «Атақты мұғалім Рон Кларктың тарихы», №3 мектеп-гимназиясының мұғаліміЖумабаева Зауре Мухтаровна «Мұғалімнің қағидалары мен құндылықтары», №3 мектеп-гимназиясының мұғалімі Султанова Венера Ауданбаевна «Оқуға деген сүйіспеншілік атмосферасын құру» және Әдістемелік орталығының орта білім беру бөлімінің әдіскеріБекболатқызыГүлжазира «Өз автобусыңды қозғалт» тақырыптарында шеберлік сыныптарын өткізді. Жалпы алғанда, фильм сюжеті көрерменін өзіне елітеді. Американдық мұғалім Рон Кларктың оқушыларына, мамандығына деген сүйіспеншілігі туралы жас мамандары зор тебіреніспен ойларын айтып, фильмнен күшті мотивация алғанын да жасырмады. Қатысушылар зор құлшыныспен, өз кәсібіне деген ерік-жігермен әдістемелік қоржындарын қағидалар мен құндылықтарға толтырып мектептеріне оралды.
