2024 жылдың 28 наурыз күні Технологиялық колледжінің базасында Астана қаласы техникалық және кәсіптік білім беру ұйымдарының «Тігін өндірісі және киім үлгілеу» мамандығы бойынша арнайы пәндер оқытушылары және студенттері арасындағы «Кәсіптік білім: болашақ – бізде» атты қалалық байқауы өткізілді.
Байқауды өткізу мақсаты — кәсіптік білімдерін тереңдету және тігінші мамандығының имиджін арттыру.
Байқаудың қазылар алқасына Қазақстан Республикасы Дизайнерлер одағының, Астана қаласы әкімдігінің «Астана жастары» жастар ресурстық орталығының өкілдері, әлеуметтік серіктестер, тәжірибелі педагогтер, педагогикалық еңбек ардагерлері шақырылды.
Байқауға «Тігін өндірісі және киім үлгілеу» мамандығы бойынша 6 команда және 5 арнайы пән оқытушысы қатысты. Студенттерге байқау квест-ойын түрінде «Не? Қайда? Қашан?», «Сән әлемі», «Біз зиялымыз», «Қалташалар», «Біз дизайнерміз» тапсырмаларын орындау арқылы ұйымдастырылды. Оқытушыларға Worldskills стандарттарына сәйкес теориялық және практикалық тапсырмалар берілді.
«Кәсіптік білім: болашақ бізде» қалалық байқауының қорытындысы бойынша келесі студенттік командалар марапатталды:
І Дәрежелі дипломмен – «Шабыт көзі», жетекшісі Рахимова А.К., «Басқару колледжі» ЖШС;
ІІ Дәрежелі дипломмен — «Волшебный стежок» жетекші Салихова Г.Д.,
«Технологиялық колледжі» ШЖҚ МКК;
ІІІ Дәрежелі дипломмен — «Buttons», жетекшісі Кокенова Б.Д.,
«Кәсіптік — техниқалық колледжі» ШЖҚ МКК;
ІІІ Дәрежелі дипломммен — «Алтын оймақ», жетекшісі Аженова К. С. , «Менеджмент, бизнес және білім колледжі» ЖШС.
Педагогтер арасындағы конкурстық тапсырмаларды орындау қорытындысы бойынша марапатталды:
І Дәрежелі дипломмен — Мукашева А. Х., «Қоғамдық тамақтандыру және сервис колледжі» ШЖҚ МКК-нің «Тігін өндірісі және киім үлгілеу» мамандығы бойынша арнайы пәндер оқытушысы;
ІІ Дәрежелі дипломмен — Салихова Г.Д., «Технологиялық колледжі» ШЖҚ МКК-нің «Тігін өндірісі және киім үлгілеу» мамандығы бойынша өндірістік оқыту шебері;
ІІІ Дәрежелі дипломмен – Кокенова Б.Д «Кәсіптік -техникалық колледжі» ШЖҚ МКК «Тігін өндірісі және киім үлгілеу» мамандығы бойынша арнайы пәндер оқытушысы.
Байқауға қатысушылардың барлығына сертификаттар берілді, студенттік командаларға «Астана – жастары» жастар ресурстық орталығының сыйлықтары, ал педагогтер арасындағы жеңімпаздарға Астана қаласы әкімдігінің «Әдістемелік орталық» МКҚК бағалы сыйлықтары табыс етілді.
