2024 жылдың 1 ақпаны күні Астана қаласы әкімдігінің «Әдістемелік орталығы» МКҚК ТжКББ бөлімінің жоспарына сәйкес «ТжКББ-дегі медиация» жобасы аясында колледж директорларының орынбасарларына, әдіскерлерге арналған «Жұмысты жақсы көңіл-күймен атқару және күйзеліске ұшырамау үшін ресурстарды қайдан аламыз?» тақырыбындағы қауымдастық шеңбері өтті.
Іс-шараның мақсаты: техникалық және кәсіптік білім беру ұйымдарындағы педагогтерге медиация туралы ақпарат беру, қауымдастық шеңберін өткізу арқылы педагогикалық-психологиялық қолдау көрсету.
Қауымдастық шеңберіне қатысушылар педагогикалық ұжымдағы қарым-қатынаста туындайтын келеңсіз жағдайларды сындарлы шешу мәселесін талқылап, шешім қабылдауға белсенді қатысу және ол үшін жауапкершілікті бөлісу жайлы өзара пікір алмасты.
Астана қаласы әкімдігінің «Әдістемелік орталығы» МКҚК ТжКББ бөлімінің әдіскерлері тарапынан ұжымдағы психологиялық ахуалды сақтау бойынша әдістемелік ұсынымдар берілді.
Қауымдастық шеңберіне қатысушылар іс-шараның өзектілігін, әдістемелік қолдаудың тиімділігін атап өтіп, ұйымдастырушыларға алғыстарын білдірді.
Іс-шараға 25 адам қатысты.
