2024 жылдың 25 қаңтар күні Астана қаласы әкімдігінің «Әдістемелік орталығы» МКҚК психологиялық сүйемелдеу бөлімінің әдіскерлері «Қоғамдық тамақтану және сервис колледжі» базасында «Жас психолог мектебі» аясында колледж педагог-психологтарына арналған « Өзіңізді біліңіз »тақырыбында тұлғалық өсу тренингісін өткізді. Тренингке 12 педагог-психолог қатысты.
Психологиялық сүйемелдеу бөлімінің әдіскері К. М. Хамзина тренинг барысында өзін-өзі тану және дамыту көзқарастарын қалыптастыру, жағымсыз тәжірибелерді азайтып, оларды жағымды эмоционалды күйлерге айналдыру мақсатында әртүрлі жаттығуларды қолданды.Толыққанды өзін-өзі көрсетуге кедергі келтіретін психологиялық қайшылықтарды еңсерудің практикалық дағдыларын көрсетті.
Жағымды және жағымсыз қасиеттерді зерттеу жаттығуларын жасай отырып, қатысушылар өзін — өзі диагностикалау және сараптама жасау арқылы өзін танудың практикалық дағдыларын үйренуге мүмкіндік алды.
Тренинг соңында педагог-психологтарға басқа адамдардың эмоционалдық жағдайларын (эмпатия) бағалау,түсіну және коммуникативтік дағдыларды игеру бойынша практикалық ұсыныстар берілді.
Қатысушылар іс-шараның әдістемелік маңыздылығын атап өтіп, одан әрі әдістемелік қолдауға өз тілектерін білдірді.
