2024 жылғы 25 қаңтар күні Астана қаласы әкімдігінің «Әдістемелік орталығы» МКҚК әдіскерлері «№2 Оңалту орталығы» КММ мамандарымен бірлесіп мектепке дейінгі білім беру ұйымдарының жас мамандарына арналған «Педагог жұмысындағы тиімді әдістер. Жас мамандарға арналған лайфхактар» тақырыбында семинар-практикум өткізді.
Семинардың мақсаты:
- жас мамандардың еңбек жолында психологиялық бейімделуіне ықпал ету;
- түзету жұмыстарын тиімді ұйымдастыруға бағыт бағдар беру;
- квест технологиялары мен ертегі терапиясы арқылы дамыту жаттығуларымен таныстыру.
Семинар барысында жас мамандар тәжірибелі арнайы педагогтердің ұйымдастырған тренингтері мен шебер-сыныптарға белсене қатысты.
Семинар соңында жас педагогтер кері байланыс беріп, өз ойларымен бөлісті, сонымен қатар тәлімгерлік мәселелері мен алдағы уақытта қандай тақырыптар бойынша семинар қажет екендігі талқыланды.
