Тәуелсіздік күні қарсаңында Астана қаласының балабақшаларында «Тәуелсіздік – ел тұғыры!» республикалық челленджі басталды.
Астана қаласы әкімдігінің «Әдістемелік орталығы» МКҚК мектепке дейінгі тәрбие мен оқыту бөлімі мектеп жасына дейінгі балалардың рухани-адамгершілік, азаматтық-патриоттық сезімдерін қалыптастыру, сондай-ақ шығармашылық қабілеттерін іске асыруға ықпал ету мақсатында елордалық барлық балабақшаларда 2023 жылғы 22 қараша күні сағат 11:00-де бір мезгілде «Тәуелсіздік – ел тұғыры!» патриоттық республикалық челленджін ұйымдастырды. Мектепке дейінгі білім беру ұйымдары балалар мен педагогтердің орындаған патриоттық әндерін бейнежазбаға түсіріп, әлеуметтік желілерде жариялады. Астана қаласының балабақшалары челленджді Шымкент қаласының мектепке дейінгі білім беру ұйымдарына жолдады.
«Тәуелсіздік – ел тұғыры!» республикалық челленджі одан әрі тізбек бойынша біздің кең байтақ еліміздің басқа өңірлеріне берілетін болады.
