2023 жылғы 13 қазанда Қазақстан Республикасы Оқу-ағарту министрлігі өкілдерінің Астана қаласындағы педагогтермен, әдіскерлермен және мектеп басшыларымен кездесуі өтті.
Кездесу барысында педагогтерді аттестаттау жүйесіндегі алдағы өзгерістер талқыланды.
Қазіргі уақытта Қазақстан Республикасы Білім және ғылым министрінің 2016 жылғы 27 қаңтардағы «Педагог қызметкерлерді аттестаттау қағидалары мен шарттарын бекіту туралы» №83 бұйрығына бірқатар өзгерістер енгізу бойынша жұмыстар жүргізілуде.
Бұйрық жобасына енгізілген негізгі өзгерістер мен толықтырулар туралы «Өрлеу» біліктілік арттырудың ұлттық орталығының басқарма төрағасының орынбасары С.Р. Өмірбекова баяндады.
Сертификаттаудың негізгі ерекшелігі, жаңа ережелерге сәйкес, сертификаттау процесін автоматтандыру болып табылады, яғни бірыңғай ақпараттық жүйе – Ұлттық тұғырнама құру.
Педагогтердің үздіксіз кәсіби дамуының ұлттық тұғырнамасы негізінде мұғалімнің барлық құжаттары автоматты түрде (мұғалімнің қатысуынсыз) жинақталатын және талданатын болады, бұл адам факторының әсерін шектеуге және сертификаттау рәсімінің объективтілігі мен ашықтығын қамтамасыз етуге көмектеседі. Осылайша, жүйе автоматтандырылып педагогтін қызметі туралы барлық ақпарат оның жеке кабинетінде автоматты түрде көрсетіледі (жеке деректер, оқыту сапасын бақылау, тәжірибені бақылау, оқушылардың, мұғалімдердің жетістіктерін, педагогикалық озық тәжірибелерді трансляциялау).
Тағы бір ерекшелігі, педагог тек өз пәні бойынша сынақтан өтеді. Мұғалімнің әдістемені қаншалықты меңгергенін анықтау үшін сабақты және тұтастай алғанда мұғалімнің педагогикалық тәжірибесін бағалау критерийлері әзірленді.
Енді педагог-зерттеуші және шебер санаттарын растамайтың болады, бұл мәселе ұлттық тұғырнама арқылы қадағаланатын болады.
Кәсіби құзыреттіліктерді диагностикалау үшін тәжірибесі жоқ немесе мамандығы бойынша жұмыс тәжірибесінде үзіліс жасаған мұғалімдер тестілеуден өтеді.
Шара барысында ұстаздар тарапынан 10-нан астам сұрақтар қойылып, ұсыныстар айтылды.
