2023 жылғы 19 мамыр күні «№3 арнайы мектеп» КММ 10-14 жас аралығындағы ерекше білім беруді қажет ететін балаларға арналған II қалалық «Қауіпсіздік әліппесі» фестиваль-байқауы өтті.
Фестивальдің мақсаты – оқушылар арасында қауіпсіз мінез-құлық негіздері мен дағдыларын қалыптастыру; жарысқа қатысушыларды өмір қауіпсіздігі мәдениетінің негіздерімен таныстыру; әрбір қатысушының шығармашылық потенциалын дамыту; ерекше білім беруді қажет ететін балалардың шығармашылығына қоғамның назарын аудару.
Фестиваль-байқау екі кезенде өтті:
- Астана қаласының білім беру ұйымдарының өзінде;
- қалалық деңгейде.
Байқауға 9 мектебінен 24 оқушы 4 номинация бойынша қатысты:
– «Қауіпсіздік ережесі» сурет байқауы;
– «Күн сайын қауіпсіздік!» қол бұйымдар байқауы;
– «Қауіпсіздік Балалардың көзімен» әлеуметтік бейнероликтер байқауы;
– «Қауіпсіз жаз» үгіт бригадаларының байқауы.
Үш номинация бойынша І, ІІ, ІІІ дәрежелі дипломдар, кубоктар және ақшалай сертификаттар төмендегі жеңімпаздарға табысталды:
І орын – Олейникова Анастасия, Алмаз Нұрасыл, Кенжебек Нұрислам; ІІ орын – Тұрлыбек Каусар, Қарғызбай Альтаир, Заитов Данил;
ІІІ орын – Ержанова Тамила, Марат Мейрлан, Садвокасов Мансур.
Барлық қатысушылар мен жетекшілері байқауға қатысқаны үшін мадақтамалармен және тәтті сыйлықтармен марапатталды.
Үгіт бригада байқауында 3 команда өнер көрсетті. «№ 1 арнайы мектеп-интернат» КММ-нің «Байтерек» тобы, «№2 арнайы мектеп» КММ-нің «Золотые звезды» тобы, «№3 арнайы мектеп» КММ-нің тобы «Көңілді жаз». Үш топ та жеңімпаз атанып жүлделі орындарға ие болды.
Іс-шара соңында ұйымдастырушылар фестиваль-байқаудың жоғары дәрежеде өтуіне ат салысқан келесі демеушілерді Білім басқармасы басшысының атынан алғыс хатпен марапаттады: «SchoolBus» ЖШС, «Дар» қайырымдылық қоғамдық қоры, «Bigbubble» компаниясы, «Кемер» мейрамханасы, сонымен қатар М. Өтемісов атындағы оқушылар сарайының оқушыларына қойылған концерттік бағдарлама үшін алғыс білдірді.
