2023 жылғы 15 мамыр күні Астана қаласы әкімдігі әдістемелік орталығының ұйымдастыруымен Астана қаласы әкімдігінің №70 мектеп-лицейінде көркем еңбек және графикалық жобалау пәндерінің ұстаздарына арналған «Lesson study-ұстаздар шеберханасы» тақырыбында семинар өтті.
Семинардың мақсаты – көркем еңбек пәндерін оқытуда бүгінгі заманның талабына сай мұғалімдердің шығармашылық ізденісін жетілдіру, тәжірибе алмасу, «Lesson Study» тәсілінің тиімділігімен бөлісу;
Семинар барысында интеграциялауға бағытталған тренингтер және білім алушылардың зерттеу жұмыстарынан жинақталған көрме көрсетілді. Іс-шараға Астана қаласы Әдістемелік орталығының әдіскерлері, Назарбаев Зияткерлік Мектебінің Халықаралық Бакалавриат бағдарламасы бойынша координаторы, елордалық көркем еңбек және графикалық жобалау пәндерінің ұстаздары қатысты.
